Rasman: Eng chiroyli gol muallifi 2021 yilni AGMKda o'tkazadi
16 jan 2021 17:32
Yangiliklar

Rasman: Eng chiroyli gol muallifi 2021 yilni AGMKda o'tkazadi

AGMK klubi matbuot xizmati bergan xabarga ko'ra, tajribali futbolchi Sanjar Tursunov 2021 yilgi mavsumda ham olmaliqliklar sharafini himoya qiladi.

"2020 yildan etiboran AGMK safiga o'tgan va jamoamizning tarixiy natijasiga erishishda o'z hissasini qo'shgan ajoyib iqtidor egasi klub bilan o'rtadagi bitimni 2021 yil yakuniga qadar uzaytirdi.
Sanjar Tursunovning o'tgan mavsumda "Qo'qon-1912" darvozasiga kiritgan supergoli PFL talqiniga ko'ra, Superliganing eng chiroyli goli deya topilgandi. SHuningdek, "championat.asia" nashri Tursunovning takrorlanmas super golini 2020 yilning benazir goli deya tariflagandi.
Yangi mavsumda ham AGMK bilan birgalikda maqsad sari intiladigan Sanjar Tursunovga omad tilaymiz va chiroyli gollarni kutib qolamiz", - deyiladi klub matbuot xizmati bergan xabarda.

"Championat.asia" malumotlariga ko'ra, Sanjar Tursunov oldida qator variantlar paydo bo'lgandi. Bular orasida xorijdan ham takliflar kelib tushgan. Biroq futbolchi kelasi mavsumda ham aynan AGMKda o'ynashni maqul topdi.