Бу ҳақда "The New York Post" хабар бермоқда.
Манбага кўра, Америка етакчиси жаҳон футболи раҳбари ушбу роль учун зарур бўлган фазилатларга эга деб ҳисоблайди. Трамп Инфантинонинг одамлар билан тил топишиш қобилиятини юқори баҳолади ва ФИФА президенти дунёнинг кўплаб мамлакатларида ҳурматга сазовор эканини айтди. Уларнинг муносабатлари 2026 йилги жаҳон чемпионатига тайёргарлик ва уни ўтказиш жараёнида сезиларли даражада яқинлашди.
БМТнинг янги бош котибини сайлаш Антониу Гутерриш кетганидан кейин шу йил бўлиб ўтади. Сайланиш учун номзод БМТ Хавфсизлик Кенгашининг, жумладан вето ҳуқуқига эга бўлган бешта доимий аъзосининг қўллаб-қувватловини олиши, сўнгра Бош Ассамблея томонидан тасдиқланиши керак.
"ФИФА президенти ва БМТ бош котиби лавозимлари ўртасида маълум бир ўхшашлик бор. Бирлашган Миллатлар Ташкилотида сиз 193 та аъзо давлат билан ишлашингизга тўғри келади. ФИФАда уларнинг сони 200 тадан ошади ва Жаннининг ҳайратланарли тарихи шуни кўрсатадики, у бундай тузилмаларни бошқаришни билади", — дея АҚШнинг глобал шериклик масалалари бўйича махсус вакили Паоло Дзамполлининг сўзларини келтиради "The New York Post".
Инфантино ФИФАни 2016 йилдан бери бошқариб келмоқда ва 2023 йилда янги муддатга қайта сайланган. ФИФА раҳбарининг БМТдаги лавозимга кўрсатилиши мумкинлиги ҳозирча расман тасдиқланмаган.
