Final uchrashuvida "Furiya Roxa" qo'shimcha vaqtda Argentina terma jamoasini 1:0 hisobida mag'lub etdi. Yagona gol vinger Niko Uilyamsning uzatmasidan so'ng hujumchi Ferran Torres tomonidan kiritildi.
"Futbol g'olib bo'ldi", - deb yozdi Kroos X ijtimoiy tarmog'idagi o'z sahifasida.
Bu Ispaniya uchun o'z tarixidagi ikkinchi jahon chempionligi unvoni bo'ldi. "Furiya Roxa" ilk bor 2010 yilgi jahon chempionatida zafar quchgan va o'shanda finalda Niderlandiyani mag'lub etgan edi (qo'shimcha vaqtda 1:0). Argentina terma jamoasi esa chempionlik tojini topshirib, kumush medallar bilan qoldi. Eslatib o'tamiz, Germaniya terma jamoasi ushbu turnirdagi ishtirokini 1/16 finaldayoq yakunlab, Paragvayga imkoniyatni boy bergan edi (1:1, penaltilar bo'yicha 3:4).
