"Биз бугун яхши шаклланган жамоани мағлубиятга учратдик. "Қўқон-1912" анча курашувчан жамоа эканлигини билар эдик ва шу сабабли жиддий тайёргарлик кўрдик. Рақибимиз асосан узун паслар орқали ҳаракатланади. Биз ҳисобни назорат қила олдик. Футболчиларнинг маҳорати ҳам намоён бўлди", - дея айтиб ўтди Рўзиқул Бердиев.
- Рубин Хебай жамоага тўлиқ қўшилиб кета олмаётгандек. Бунга сабаб нимада?
- Хебай кўп жароҳат олди. Рубин ўйинга қўшилиб кета олмагани сабабли иккинчи бўлимда Норчаевни майдонга туширдик. Шу орқали ҳужумдаги кескинликни оширдик.
- Шерзод Насруллаев қачон майдонга қайтади?
- У ҳозир бетоб. Умид қиламизки, у кейинги ўйинларда иштирок эта олади.
