O'z vaqtida klubda faoliyat olib borgan Artyom Petrosyan hamda Sunnatulloh Hamidjonov oldidagi qarzdorlikni undirish to'g'risida O'FA tegishli qo'mitasi qaror qabul qilgan bo'lsa-da, klub qo'mita belgilab bergan muddatga qadar ham qarzlarni yopmagan. Bu esa klubga nisbatan transfer taqiqiga olib kelishi mumkin.
Shuningdek, bizdagi ma'lumotga ko'ra Agustin Chirita, shuningdek, Samvel Babayan bilan hamkorlikda faoliyat olib borgan murabbiylar shtabi ham O'FAga shikoyat arizasi bilan murojaat qilgan. Tez orada O'FA qo'mitasi mazkur ishlarni ham ko'rib chiqishi kutilmoqda.
