Bu haqda insayder Fabricio Romano xabar berdi.
"Manchester Yunayted"dagi nufuzli insonlar Emerini klub kelajagini qurish mumkin bo'lgan ideal murabbiy deb hisoblashadi. Biroq "Aston Villa"ni ham hurmat qilish kerak", – dedi Romano.
Jurnalistning ma'lumotiga ko'ra, Birmingem klubi 55 yoshli ispaniyalik mutaxassisni na mavsum davomida, na u yakunlangach qo'yib yubormoqchi. "Aston Villa" rahbarlari Roberto Olabe va Damian Vidagani Emerini loyihaning asosiy figurasi sifatida bilishadi. Murabbiy transfer va boshqa sport qarorlarini qabul qilishda bevosita ishtirok etadi.
Emeri 2022 yilning noyabridan buyon "Aston Villa"ni boshqarib kelmoqda. Birmingemliklar bilan birga ispaniyalik murabbiy 2026 yilda Yevropa Ligasida g'olib chiqdi. Uning amaldagi shartnomasi 2029 yilning yozigacha mo'ljallangan.
Maykl Kerrik boshqaruvidagi MYU barcha turnirlarda ketma-ket 9 ta o'yindan beri g'alaba qozona olmayapti. 9-turdan keyin jamoa Angliya chempionatida 7 ochko bilan 17-o'rinni egallab turibdi.
