Ma'lumot o'rnida, Leau 2019 yildan 2026 yilga qadar "Milan" sharafini himoya qilgan va klub bilan birgalikda Italiya chempioniga aylangan.
"Rafani sirtdan bilar edim. U bilan shaxsan tanishish imkoniyati tug'ilganda, ajoyib yigit ekanligini tushundim va unga nisbatan chindan ham katta xayrixohlik uyg'ondi. Ammo u barchamiz ko'proq narsa kutgan futbolchilar sirasiga kiradi.
O'ylashimcha, qaysidir pallada futbol u uchun asosiy ustuvor maqsad bo'lmay qoldi. Hayotida futboldan tashqari ko'plab narsalar paydo bo'ldi: musiqa, moda... Biroq uning "Milan"ga bo'lgan sadoqatiga hech qachon shubha qilmaganman. U bu klub uchun o'ynashni yaxshi ko'rardi va nimadir o'xshamay qolganida qattiq qayg'urardi. Shuningdek, unda jismoniy muammolar ham mavjud edi va doimo ulardan ehtiyot bo'lib harakat qilardi.
Boshqa o'yinchilarga nisbatan u bilan tez-tez individual suhbatlar o'tkazishga harakat qilardim va har safar ijobiy taassurotlar bilan chiqib ketardim. Uning chindan ham o'ynashni xohlayotganini his qilardim, lekin bazida birgina istakning o'zi kamlik qiladi", - dedi Tare.
