Бу келишув 2019 йилда "Интер" "Манчестер Юнайтед"дан Ромелу Лукакуни 74 миллион еврога сотиб олганидан бери А Сериядаги энг қиммат трансфер бўлади. "Россонерилар” худди шу 2019 йилда Рафаэль Леау учун "Лилл"га тўлаган 49,5 миллион евродан кўпроқ тўлайди.
Аввалроқ Италия клуби ПСЖга бонуслар билан 45 миллион евро таклиф қилгани хабар қилинганди. "Россонерилар” бош мураббийи Рубен Аморим 25 ёшли ҳужумчи билан шартнома имзолашни ва унинг тенгдоши Сантьяго Хименесни сотишни маъқуллади.
"Милан" бир қатор Европа топ-клублари билан Рамуш учун курашда ғалаба қозонди ва бунда клуб эгаси Жерри Кардиналенинг ПСЖ президенти Носир Ал-Хелайфи билан муносабатлари муҳим роль ўйнади.
Музокараларни тезлаштирган яна бир омил футболчининг "Манчестер Юнайтед" ва "Спортинг"нинг собиқ бош мураббийи Рубен Аморим қўл остида ўйнаш истаги бўлди.
Рамуш Флоридада ЖЧ-2026 учун Португалия терма жамоаси сафида бўлганида тиббий кўрикдан ўтди.
Айни пайтда португалиялик футболчи турнирнинг фақат битта учрашувида, аниқроғи Конго ДРга қарши ўйинда (1:1) майдонга тушди.
