Сэм Лакхёрстнинг сўзларига кўра, “Юнайтед”нинг чап қанотдаги асосий нишони Льюис Холл ҳисобланади, бироқ “Ньюкасл” ўз ҳимоячисини қўйиб юборишни истамаяпти. Муқобил вариант сифатида Майлз Льюис-Скелли кўриб чиқилганди, аммо “Арсенал” 19 ёшли иқтидор эгаси учун ҳаддан ташқари юқори нарх сўраган.
Таянч ярим ҳимоячиси позициясига эса “қизил иблислар” “Реал” футболчиси Орельен Чуамени ҳамда “Брайтон”дан Карлос Балебани кузатмоқда.
Бу келишувлар анча қимматга тушиши кутилмоқда: Transfermarkt маълумотларига кўра, “Ньюкасл” Холлни 60 миллион фунтга баҳоламоқда, “Брайтон” эса Балеба учун 55 миллион евро талаб қилмоқда — қолаверса, “Брайтон” музокараларда доимо қатъий туриб, тўққиз хонали (100 млн+) суммадан камига камдан-кам ҳолларда рози бўлади.
Шу билан бирга, камерунлик футболчининг ўзи анчадан бери “Олд Траффорд”га ўтишни орзу қилиб келмоқда ва трансферни фаол равишда талаб қилмоқда, бироқ унинг яқиндаги пай жароҳати қўшимча хавф туғдирмоқда.
Маълумот ўрнида, трансфер ойнаси 1 сентябрда ёпилади.
