"Майкл Кэррикнинг "Манчестер Юнайтед" бош мураббийи этиб тайинлангани борасидаги қарор менга ёқди. У иш бошлаганидан бери жамоада кўп нарсани ўзгартиришга муваффақ бўлди. Шунингдек, унда ишлайдиган ўз услуби борлиги кўриниб турибди. Футболчилар ҳам унга ижобий муносабатда — буни жамоанинг ўйинидан кўриш мумкин. Шунинг учун Кэррикка бу лавозимни ишониб топшириш ажойиб қарор деб ҳисоблайман.
Ҳамма нарса Оле-Гуннар Сульшер давридаги каби тугайди, чунки у ҳам вақтинчалик мураббий сифатида бошлаган, деган гаплар мутлақо ортиқча. Кэррик бундай имкониятга лойиқ ва унга албатта имкон бериш керак.
Майкл Кэррикнинг "Манчестер Юнайтед"даги йўлига назар солсак, Пеп Гвардиоланинг "Барселона"да катта имкониятга эга бўлган даври ёдимга тушади. Кэррикка қараб, Гвардиоланинг ўша пайтдаги даражасини кўраман. Ахир Пеп ҳам деярли кутилмаган жойдан чиққан ва улкан муваффақиятларга эришган эди.
Кэррик ҳам шундай йўлни босиб ўта олмайди деб ким айтиши мумкин? Унда "Мидлсбро"да ишлаш тажрибаси бор. Унга ишониш керак. Ҳозиргача у ўз вазифасини аъло даражада бажарди. Қандай қилиб унга ишни давом эттириш ва "Манчестер Юнайтед"ни янги босқичга олиб чиқиш имкониятини бермаслик мумкин?
У "Манчестер Юнайтед" нимани англатишини яхши билади ва клубни яна аввалги юксак чўққиларга қайтариш учун нима қилиш кераклигини тушунади", - деди Шерингем.
