Insayder Fabricio Romano o'zining X ijtimoiy tarmog'ida xabar berishicha, "shaharliklar" taklif summasini 123 million evrogacha oshirgan, shuningdek, shartnomaga 17 million evro miqdoridagi qo'shimcha to'lovlarni kiritishga tayyor.
Manbaning xabariga ko'ra, "Nottingem Forest" futbolchi uchun 140 million evrodan ko'proq pul olishni kutmoqda, shuningdek, Andersonga "Manchester Yunayted" tomonidan ham qiziqish borligidan xabardor. "Manchester Siti" kelishuvni yakunlashga intilmoqda.
Anderson 2024 yilning yozida "Nyukasl"dan "Nottingem Forest"ga o'tgan edi. OAV xabarlariga ko'ra, o'shanda transfer summasi 41,2 million evroni tashkil qilgan. Joriy mavsumda 23 yoshli ingliz futbolchisi 50 ta o'yinda 4 ta gol urdi va 5 ta golli uzatmani amalga oshirdi.
