Бу ҳақда "The Financial Times" хабар бермоқда.
Манба маълумотларига кўра, харидор "Куинз Парк Рейнджерс" эгаси, британ-ҳинд тадбиркори Амит Бхатия бошчилигидаги инвесторлар консорциуми бўлиши мумкин. Битимни, шунингдек, дунёдаги энг йирик пўлат ишлаб чиқарувчи "ArcelorMittal" компаниясига эгалик қилувчи Миттал оиласи ҳам қўллаб-қувватламоқда. Таъкидланишича, битим муваффақиятли амалга ошган тақдирда, "Ливерпуль"нинг қиймати 6 млрд доллардан (5,25 млрд евро) ошади — бу футбол клуби учун тарихдаги энг юқори баҳолашлардан бирига айланади.
Таъкидланишича, FSG консорциум билан музокаралар олиб борилаётганини тасдиқлаган, бироқ ҳозирча ҳеч қандай келишувга эришилмаганини урғулаган.
Эслатиб ўтамиз, ўтган мавсумда "Ливерпуль" Англия Премьер-лигаси турнир жадвалида бешинчи ўринни эгаллаган эди.
