14 yoshli futbolchi Sveti Martin na Muri shahrida Vlatko Markovich xotirasiga bag'ishlangan turnirda Yaponiya terma jamoasiga qarshi o'yinda debyut qildi. Ronalduning o'g'li 54-daqiqada maydonga tushdi, ammo gol ura olmadi. Uchrashuv Portugaliyaning 4:1 hisobidagi g'alabasi bilan yakunlandi.
"Portugaliya terma jamoasidagi debyuting bilan tabriklayman, o'g'lim. Men sen bilan juda faxrlanaman!", – deb yozdi Ronaldu Instagram sahifasida.
Uchrashuvga Ronalduning onasi ham tashrif buyurib, nabirasini qo'llab-quvvatlagan va uni debyuti bilan tabriklagan.
Portugaliyaliklar kecha Gretsiya bilan durang (1:1) o'ynagan bo'lsa, ertaga Angliya terma jamoasiga qarshi bahs olib boradi.
Kichik Krishtianu Saudiya Arabistonining "Al Nassr" klubi futbol akademiyasida tahsil oladi.
