Bugun Kongo DR terma jamoasi 1/16 final bosqichida Angliyaga (1:2) mag'lub bo'lib, JCHdan chiqib ketdi.
"Bizning ushbu jahon chempionatidagi sayohatimiz yakuniga etdi. Jamoamiz bilan faxrlanamiz! Yigitlar ushbu turnirning eng kuchli terma jamoalaridan biriga qarshi o'yinda yana bir mo'jiza yaratishga juda yaqin kelishgandi. O'yinni qo'shimcha bo'limlarga olib borish, balki penaltilar seriyasigacha etkazish uchun bizga ozgina yetmadi.
Futbolchilarimiz bor kuchlarini berib o'ynashdi va maydonda borini qoldirishdi. Ammo bugun Angliya terma jamoasi emas, balki ko'proq Xarri Keyn kuchlilik qildi. U ajoyib o'yin o'tkazdi va ularning g'alabasida bosh omilga aylandi.
Endi jamoa uyga qaytadi. Futbolchilarimiz haqiqiy qahramonlardek kutib olinadi. Futbol federatsiyasi, Sport vazirligi va mamlakat prezidenti futbolchilarni, murabbiylar shtabini va ushbu muvaffaqiyatga hissa qo'shgan barchani albatta taqdirlaydi. Ularni jahon chempionatidagi tarixiy ishtiroki uchun loyiq pul mukofotlari va boshqa sovg'alar kutmoqda.
Biz taslim bo'lmaymiz. Ushbu turnir Kongo terma jamoasi dunyoning eng kuchli terma jamoalari bilan tengma-teng kurasha olishini ko'rsatdi. Endi biz bor e'tiborimizni navbatdagi Afrika Kubogiga tayyorgarlikka qaratgan holda, keyingi jahon chempionatiga yo'llanma olish uchun qo'limizdan kelgan barcha ishni qilamiz", - dedi Tshimpumpu.
