"Elit Osiyo Chempionlar Ligasi kabi nufuzli musobaqada ishtirok etayotganimiz biz uchun ajoyib hodisadir, ayniqsa, dastlabki o'yinimizni o'z maydonimizda, muxlislarimiz ko'z o'ngida o'tkazayotganimizni hisobga olsak.
Men "Al Ahli" klubida ekanligimdan juda baxtiyorman va doimo jamoaga qo'limdan kelgancha yordam berishga harakat qilaman.
Maydonda har doim ham ko'zga tashlanavermaydigan kichik vazifalar va detallar mavjud, biroq ular o'yin taqdirini hal qilishi va jamoaning o'z maqsadlariga erishishiga yordam berishi mumkin. Men jamoa uchun nima zarur bo'lsa, barchasini bajarishga tayyorman.
Biz o'yinlarimizda ko'plab xavfli vaziyatlar yaratamiz va buning ustida ishlashda davom etishimiz kerak. Umid qilamanki, ertaga "Paxtakor"ga qarshi bahsda ham yana bir bor yorqin o'yin namoyish etib, bundan ham ko'proq imkoniyatlar yarata olamiz", dedi 26 yoshli futbolchi.
