✅ "Paxtakor" – "Xorazm"
Bizningcha, hakam to'g'ri qaror qabul qilib, o'yinni davom ettirdi. “Paxtakor” futbolchisining qo'li tabiiy holatda edi, tanadan uzoqlashmagan va to'p tomon qo'shimcha harakat qilmagan.
✅ "So'g'diyona" – "Neftchi"
Mavjud takroriy lavhalardan kelib chiqib, yordamchi hakamning "Neftchi" golini hisobga olish qaroriga ishonishga majburmiz. Yordamchi hakam yaxshi poziciyada edi va vaziyatni qulay rakursda ko'rgan bo'lishi kerak. Fikrimizcha, to'g'ri qaror – golni hisobga olish.
✅ "Lokomotiv" – "Andijon"
Hakam yordamchisining ishorasidan so'ng to'g'ri qaror qabul qildi va "Lokomotiv" o'yinchisining qo'l bilan o'ynaganini qayd etdi. U to'p sari qo'li bilan harakat qilmoqda, bu jazolanadigan holat. Gol to'g'ri bekor qilindi.
✅ "Navbahor" – "Qizilqum"
Fikrimizcha, ushbu vaziyatda hakamning o'yiinni davom ettirish qarori – to'g'ri. Mutlaqo normal yakkakurash sodir etilgan. To'g'ri, "Navbahor" o'yinchisi raqibini turtib, uni to'pdan "siqib chiqarmoqda", ammo ushbu kontakt yiqilish va penalti belgilash uchun etarli emas deb hisoblaymiz.
✅ "Navbahor" – "Qizilqum"
Hakam yordamchisi to'g'ri qaror qabul qilib, "Qizilqum" futbolchisi o'yindan tashqari holatda qolganini qayd etdi. Sherigidan to'p uzatilgan vaqtda u ofsayd chizig'idan o'tib ketgan edi.
✅ "Navbahor" – "Qizilqum"
"Navbahor" o'yinchisi to'pni o'zidan oldinga tashladi, "Qizilqum" himoyachisi esa to'pga o'ynashga ulgurdi. Shundan so'ng futbolchilar o'rtasida normal kontakt yuz bermoqda. Bizningcha, to'g'ri qaror – o'yinni davom ettirish.
✅ "Surxon" – "Dinamo"
Ushbu vaziyatda "Dinamo" futbolchisi to'g'ri holatda edi. Hakam yordamchisi vaziyatni to'g'ri baholab, o'yinni davom ettirdi. Gol qoidaga muvofiq urilgan.
❌ "Surxon" – "Dinamo"
Bizningcha, bu vaziyatda hakam “Surxon” hujumchisiga sariq kartochka ko'rsatmay, xatoga yo'l qo'ydi. Hujumchi o'ylamay harakat qilib, darvozabon uchun yuzaga kelishi mumkin bo'lgan oqibatlarni inobatga olmagan holda kurashga kirishdi. Nazarimizda, bu vaziyatda jarima zarbasi belgilash va qo'pol o'yin uchun ogohlantirish berish to'g'ri qaror bo'lardi.
❌✅ "Surxon" – "Dinamo"
Bizningcha, hakam bu qoidabuzarlik uchun “Dinamo” o'yinchisiga sariq kartochka ko'rsatib xato qildi. VAR vaziyatga to'g'ri aralashib, hakamni epizodni takroran ko'rish uchun monitor oldiga chaqirdi. To'g'ri qaror – qoidaning jiddiy buzilgani uchun qizil kartochka, zero butsaning tagi bilan o'ynalgan, zarba yuqoriga yo'naltirilgan, bosim bilan harakat qilingan va jarohat etkazish xavfi mavjud bo'lgan.
Shu tariqa, Superliganing 13-turi doirasidagi o'yinlarda hakamlar ikkita xatoga yo'l qo'yishdi. Ularning har ikkisi "Surxon" – "Dinamo" uchrashuviga to'g'ri keldi, ulardan birini VAR ko'rigidan so'ng tuzatishga erishildi.
