Championat.asia sayti turning eng yaxshilarini aniqladi.
Tur murabbiyi - Jamoliddin Rahmatullaev (“Respublika FA”)
Jamoliddin Rahmatullaev jamoasi mehmonda “Kattaqo'rg'on”ni taslim qildi va muhim 3 ochkoga ega chiqib, Proliga jadvalida xavfli hududdan uzoqlashdi.
Tur futbolchisi - Ibrohim Akbarov (“Respublika FA”)
Ibrohim Akbarov muhim g'alaba qayd etilgan bahsda jamoasining muvaffaqiyatiga katta hissa qo'shdi. Akbarovning dubli evaziga “Respublika FA” o'z hisobiga 3 ochko yozdirib qo'ydi.
Tur darvozaboni - Mohir Komilov (“Metallurg”)
“Metallurg” posboni Mohir Komilov “Paxtakor FJ”ga qarshi uchrashuvda darvozasini “quruq” saqladi. U o'yin davomida ikkita seyv ijro etishga erishdi. “Darvozabon - yarim jamoa” iborasi shu bahsda isbotlandi.
Tur goli - Sirojiddin Qo'ziev (“Sho'rtan”)
Tur goli bu safar “Sho'rtan” vakili Sirojiddin Qo'zievga nasib etdi. Qo'ziev 25-26 metr uzoqlikdan chap oyoqda chiroyli gol urishga muvaffaq bo'ldi va jamoasining yirik (4:1) hisobdagi g'alabasiga o'z hissasini qo'shdi.
