Ovoz berish jarayonida Championat.asia xodimlari, Transfermarkt rus tili tahririyati bosh muharriri Georgiy Lekarev hamda taklif etilgan ekspert - O'zbekiston milliy terma jamoasi, Moskvaning “Spartak” va boshqa jamoalarning sobiq hujumchisi Jafar Irismetov ishtirok etdi.
Sentyabr oyida Superliganing eng yaxshi murabbiyi deb Ro'ziqul Berdiev topildi. Uning boshchiligida “Nasaf” barcha uchta uchrashuvda g'alaba qozondi, jumladan, O'zbekistonning amaldagi chempioni - “Neftchi”ni ham mag'lub etdi (6:2). Berdiev 61% ovoz to'pladi, uning eng yaqin taqibchisi - “Paxtakor” bosh murabbiyi Kamoliddin Tojiev esa atigi 17% ovoz oldi.
Eng yaxshi futbolchi nominaciyasida ham “Nasaf” vakili - Sharof Muhitdinov g'olib bo'ldi. 29 yoshli yarim himoyachi samaradorlik borasida faoliyatidagi eng yaxshi mavsumni o'tkazmoqda: uning hisobida 26 ta o'yinda 9 ta gol va 7 ta golli uzatma mavjud. Sentyabrdagi uchta uchrashuvda u “gol+pas” tizimi bo'yicha “2+4” natija ko'rsatdi. Muhitdinov xuddi Berdiev kabi katta farq bilan g'alaba qozondi: u 61% ovoz oldi, eng yaqin taqibchilari Bashar Resan (“Paxtakor”) va Lyupcho Doriev (“So'g'diyona”) esa 13 foizdan ovoz to'plashdi.
