Италия футбол федерацияси маълум қилишича, жамоа 12–15 ноябрь кунлари Римдаги "Жулио Онести" олимпия тайёргарлик марказида машғулот ўтказади. 16 ноябрь куни эса Доҳа шаҳрига йўл олади.
Йиғинга жалб қилинган футболчиларнинг 19 нафари 2009 йилда, икки нафари эса 2010 йилда туғилган. Улар орасида "Ювентус", "Интер", "Рома", "Аталанта", "Фиорентина" ва бошқа клублар тарбияланувчилари бор.
Италия терма жамоасининг йиғин учун таркиби:
Дарвозабонлар: Лоренцо Костоли ("Женоа"), Карло Гальера ("Интер"), Кристиан Лупо ("Лечче").
Ҳимоячилар: Маттео Альбини ("Комо"), Жампаоло Бонифаци ("Рома"), Якопо Дель Фабро ("Ювентус"), Жибрил Диалло ("Парма"), Андреа Донато ("Интер"), Давиде Риго ("Ювентус"), Лудовико Варали ("Парма").
Ярим ҳимоячилар: Риккардо Кассано ("Комо"), Франческо Гаспарелло ("Аталанта"), Жоэле Жамматтеи ("Рома"), Жанлука Томмазо Окон-Энгстлер ("Брюгге"), Франческо Оливьери ("Аталанта").
Ҳужумчилар: Томмазо Казагранде ("Верона"), Томас Корильяно ("Ювентус"), Федерико Крочи ("Фиорентина"), Марчелло Фугаццола ("Аталанта"), Якопо Ланди ("Лацио"), Диего Перилло ("Аталанта").
Маълумот учун, Италия терма жамоаси 2026 йил июнь ойида 17 ёшгача бўлган футболчилар ўртасида Европа чемпиони бўлган. Жамоа ўтган йили Қатарда ўтказилган жаҳон чемпионатида эса бронза медалини қўлга киритган.
19 ноябрдан 13 декабрга қадар Қатарда ўтказиладиган U-17 жаҳон чемпионатида Италия Ўзбекистон, Ямайка ва Кот-д'Ивуар билан бирга E гуруҳидан жой олган.
Ўзбекистон U-17 терма жамоасининг гуруҳ босқичидаги ўйинлари:
- 20 ноябрь, 21:00 – Кот-д'Ивуар – Ўзбекистон;
- 23 ноябрь, 18:00 – Ўзбекистон – Ямайка;
- 26 ноябрь, 19:00 – Ўзбекистон – Италия.
Барча вақтлар Тошкент вақти билан кўрсатилган.
Ўзбекистон ва Италия ўртасидаги сўнгги тур учрашуви Доҳа шаҳридаги Aspire Zone мажмуасининг 5-майдонида бўлиб ўтади.
