"Мен ўйин ва натижадан жуда қониқдим. Биринчи таймда, ўйлайманки, мавсумдаги энг яхши ўйинлардан бирини кўрсатдик. Ҳисобдаги фарқ каттароқ бўлиши керак эди, лекин биз бунга эришолмадик. Шу билан бирга, бутун мавсум давомида кўрсатиб келган сифатимизни намойиш этдик: ҳимояланиш ва ўйинни ғалаба билан якунлаш керак бўлганда, биз бунга самарали уддасидан чиқамиз.
Иккинчи ва учинчи голни урмаганимизга омадимиз келмади. Биз кучли рақибга қарши ўйнадик. Уларнинг бугунги руҳиятига қаранг — ўйиннинг охиригача нимадир қилишга ҳаракат қилишди. Бу лига жуда қийин.
Биз ўз вазифамизни бажардик, қўлимиздан келганини қилдик. Энди кутиб, эртага нима бўлишини кўришимиз керак, кейин эса "Пэлас"га қарши ўйинга тайёргарлик кўриш вақти келди.
Эртага мен "Манчестер Сити"нинг "Борнмут"га қарши ўйинини томоша қиламан. Фақат битта ўйин қолди", — деди Артета BBC нашрига.
"Арсенал" АПЛ турнир жадвалида 82 очко билан 1-ўринда бормоқда. "Канонирлар" "Манчестер Сити" (77 очко) дан 5 очко ўртада, лекин "шаҳарликлар"нинг бир ўйин захираси бор.
