O'yin AQSHning Texas shtati, Arlington shahridagi "Ey-Ti-end-Ti" stadionida bo'lib o'tadi. Uchrashuvni misrlik hakam Amin Omar boshqarib boradi.
Jamoalarning asosiy tarkiblari:
Argentina: Emiliano Martines, Molina, Romero, Lisandro Martines, Medina, De Paul, Mak Allister, Fernandes, Almada, Messi, Lautaro Martines.
Avstriya: Aleksandr Shlager, Laymer, Posh, Alaba, Danso, Zayvald, Ksaver Shlager, Shmid, Vanner, Zabitcer, Gregorich.
1-turdan so'ng Argentina terma jamoasi uch ochko bilan "J" guruhi turnir jadvalida peshqadamlik qilmoqda. Avstriya terma jamoasi ham uch ochkoga ega, biroq to'plar nisbatiga ko'ra ikkinchi pog'onani band etgan.
3-turda Argentina terma jamoasi Iordaniya (28 iyun), Avstriya esa Jazoir (28 iyun) bilan bahs olib boradi.