"Biz Reshforddan juda minnatdormiz. O'tgan mavsum u jamoaga katta hissa qo'shdi. Biroq bizning o'yin uslubimiz ko'proq Entoniga mos keladi. Uning uslubi murabbiy ko'rishni istagan talablarga to'liq javob beradi.
Gordon timsolida biz aynan o'zimizga kerak bo'lgan o'yinchini ko'rdik. Rafinya maydonga tushmaganida jamoa energiyani yo'qotardi va Gordon orqali bu muammoni hal qilishimiz mumkin edi. Biz nimani qidirayotganimiz haqida aniq tasavvurga ega edik. Bizga ko'proq shiddat kerak bo'ldi.
Juda ko'p vingerlarni tahlil qildik. Premer-ligadan o'yinchi olib kelish deyarli imkonsiz, ammo Flik nima istayotganini aniq bilar edi va shundan so'ng biz ushbu bitim ustida ishladik", – dedi Deku.
25 yoshli angliyalik futbolchi ushbu mavsum barcha turnirlarda 5 ta o'yinda 5 ta golli uzatmani amalga oshirdi.
