APL Hakamlar assotsiatsiyasi (PGMO) bilan muzokaralar fonida VAR vakolatlarini kengaytirish bo'yicha taklifni rad etishi kutilmoqda, deb yozadi The Guardian.
Fevral oyida Xalqaro futbol assotsiatsiyalari kengashi (IFAB) VAR vakolatlarini kengaytirishni maqullagan edi: endi videoassistentlar ikkinchi sariq kartochka va burchak zarbalari belgilanishiga aralashishlari mumkin. Biroq, IFAB bu o'zgarishni ligalar uchun majburiy qilib qo'ymadi: chempionatlar VARdan bu tarzda foydalanishni o'zlari hal qilishlari kerak.
PGMO APLga VARdan foydalanish ko'lamini kengaytirishdan tiyilishni tavsiya qildi. Assotsiatsiya yangi qoidalar bo'yicha VARdan foydalanish o'yinlarning davomiyligini sezilarli darajada oshirib yuborishidan, bu esa hakamlarga bosimni kuchaytirib, translyatsiyachilar bilan munosabatlarga ta’sir qilishidan xavotirda. Klublar esa yangi qoidalar o'yin suratini tushirib yuborishi va bahslarni cho'zib yuborishi mumkinligini inobatga olishmoqda.
Yakuniy qaror iyun oyida bo'lib o'tadigan APL klublarining har yillik umumiy yig'ilishida qabul qilinadi.
