APL klublari yakuniy qaror joriy mavsum yakunlanguniga qadar chiqarilishini va ehtimoliy sankciyalar keyingi mavsumda kuchga kirishini istashmoqda, deb yozmoqda The Times.
Klub rahbarlaridan biri ish ko'rib chiqilishi jarayoni 2027/28 yilgi mavsumgacha cho'zilib ketishi "qabul qilib bo'lmas" holat bo'lishini ta'kidladi.
Eslatib o'tamiz, o'tgan haftada "shaharliklar" APLning moliyaviy qoidalarini buzish bo'yicha deyarli barcha ayblovlar bo'yicha aybdor deb topilgani haqida ma'lumot paydo bo'lgan edi - faqat bittasidan tashqari. 2023 yilning fevral oyida APL "Siti"ni 2009 yildan 2018 yilgacha bo'lgan davrda moliyaviy qoidalarning 115 ta turli buzilishida ayblagan edi. Keyinchalik The Times gazetasi gap 115 ta emas, balki 130 ta qoidabuzarlik haqida ketayotganini xabar qildi: Premer-liga endigina ayblovlarni e'lon qilganida, bazi qoidalar bo'yicha chalkashlik yuzaga kelgan edi.
"Manchester Siti"da ayblov verdikti bo'yicha rasman apellyaciya berish uchun jumagacha vaqt bor. Premer-liganing ushbu mavsumda joriy etilgan yangi qoidalariga ko'ra, apellyaciyani ko'rib chiqish jarayoni 12 hafta ichida yakunlanishi, xulosalar esa oxirgi eshituv o'tkazilgan paytdan boshlab 30 kun ichida e'lon qilinishi kerak.
Biroq "Siti" yuristlari ushbu holatda bu muddatlar qo'llanilmasligi kerakligini vaj qilib ko'rsatishlari mumkin, chunki moliyaviy qoidabuzarliklar bo'yicha ish yangi qoidalar joriy etilishidan oldinroq ko'rib chiqila boshlagan.
