O'tgan haftada "shaharliklar" APLning moliyaviy qoidalarini buzish bo'yicha deyarli barcha ayblovlar bo'yicha aybdor deb topilgani haqida ma'lumot paydo bo'ldi - faqat bittasidan tashqari. 2023 yilning fevral oyida APL "Siti"ni 2009 yildan 2018 yilgacha bo'lgan davrda moliyaviy qoidalarning 115 ta turli buzilishida ayblagan edi. Keyinchalik The Times gazetasi gap 115 ta emas, balki 130 ta qoidabuzarlik haqida ketayotganini xabar qildi: Premer-liga endigina ayblovlarni e'lon qilganida, bazi qoidalar bo'yicha chalkashlik yuzaga kelgan edi.
Kecha APL klub barcha ayblovlar bo'yicha aybdor deb topilganini ma'lum qildi.
- Ushbu lahzani Premer-liga tarixidagi eng ahamiyatlisi deb hisoblash mumkinmi?
- Shunga o'xshaydi. Bungacha eng ahamiyatli lahzalardan biri, ehtimol, Agueroning goli edi - balki Premer-liga tarixidagi eng buyuk lahza yoki gol. Lekin hozir men shokdaman, ammo shu bilan birga yuz berayotgan hodisalardan hayratda emasman.
"Manchester Siti"ning aybdor deb topilganidan hayron emasman - men ularning aybdorligini hamisha his qilganman - buning ikkita oddiy sababi bor.
"Manchester Siti" "Liverpul", "Manchester Yunayted" yoki "Real Madrid" kabi tijoriy daromad darajasiga ega bo'lishi mutlaqo mumkin emas. Ular yillar davomida buni ta'kidlab kelishdi, ammo qanchalik muvaffaqiyatli bo'lishmasin, buning iloji yo'q.
Ikkinchi fakt esa: ular ushbu yillar davomida doimiy ravishda o'zlarida aybsizliklarini ko'rsatuvchi "inkor etib bo'lmaydigan dalillar" borligini ta'kidlab kelishdi. Lekin bu mamlakatdagi har bir inson, har bir futbol muxlisi biladiki: agar policiya sizni nimadadir ayblasa va sizda inkor etib bo'lmaydigan dalillar bo'lsa, ish bir kun yoki bir haftada yopiladi. Bu esa yillab cho'zildi. Jarayonning bunchalik uzoqqa cho'zilganining o'zi u yerda nimadir borligidan dalolat berardi.
Shokdaligim sababi esa, "Manchester Siti" ega bo'lgan moliyaviy qudrat va ta’sirni hisobga olganda, Premer-liga ularni sudda enga olishiga hech qachon ishonmagandim. Premer-liga esa shunchaki g'alaba qozonib qolmay, 115 ta ayblovdan 114 tasini tasdiqladi, aynan shunga erishish kerak edi.
Agar liga ayblovlarning faqat 50% yoki 60% ini isbotlaganida, hamma: "Mayli, o'tib ketdi", degan bo'lardi. Men hamisha "Siti" suvni loyqalatib, izlarni yashirayotganini his qilardim, lekin Premer-liga buni sudda isbotlay olishiga ishonmagandim, - dedi Karrager.
