Сўнгги кунларда ижтимоий тармоқларда “Андижон” футбол клубининг жорий йил қисқи тайёргарлик йиғинини Туркиянинг Анталия шаҳрида ўтказгани ҳамда йиғин давомида “DILAHAN TURIZM TAS.TIC.LTD.STI” компаниясидан қарздорлиги билан боғлиқ турли маълумотлар тарқалмоқда.
“Андижон” футбол клуби мазкур ҳолат юзасидан шуни маълум қиладики, жамоанинг Анталиядаги ўқув-машғулот йиғини давомида юқорида номи қайд этилган компания хизматларидан фойдаланилган ва ушбу ҳамкорлик доирасида муайян молиявий мажбуриятлар мавжуд бўлган.
Клуб томонидан аллақачон тўловлар белгиланган тартибда тўлиқ қопланган.
