“Raqibimiz juda kuchli ekanini hamma yaxshi biladi. "Al-Qodisiya" ayni paytda Saudiya Arabistoni chempionatida ikkinchi o'rinda bormoqda. To'p tepayotganlar orasida Tijjani Reynders, Mateo Retegi, Xulian Kinones, Nacho va Yulian Vaygl kabi Yevropaning top-klublarida o'ynagan futbolchilar bor.
Biroq "Paxtakor" o'z maydonida, o'z muxlislari qarshisida to'p tepadi. Biz raqibni hurmat qilamiz, lekin ulardan qo'rqmaymiz. Ilk turda mehmonda Elit OCHLning oxirgi ikki mavsumdagi chempioni "Al-Ahli"ga munosib qarshilik ko'rsatdik.
Barcha muxlislarimizni stadionga kelib, "Paxtakor"ni ajoyib tarzda qo'llab-quvvatlashlarini so'rab qolaman”,- deydi Abdurauf Bo'riev.
Ma'lumot uchun, bugungi o'yin 18:45 da start oladi.
