Аввалроқ Мьянманинг Янгон шаҳрида мазкур мусобақа учун 2-босқич саралаш баҳслари бўлиб ўтиши ва "B" гуруҳи баҳсларида Зилола Раҳматова ишлаши маълум бўлган эди.
Шу тариқа, гуруҳнинг 2-туридан ўрин олган Хитой Тайпейи ҳамда Мьянма терма жамоалари ўртасидаги баҳсда ишлаш учун Зилола Раҳматова тайинлов олди. Ушбу учрашув бугун, 8 июнь куни Тошкент вақти билан соат 17:00 да бошланиши белгиланган.
