— Бугунги учрашув ҳақида фикрларингиз билан бўлишсангиз...
— Нима ҳам дердим, кутилмаган пеналти, футболчини кўрмай қолиш ҳолати ва автогол бўлди. Умуман олганда, кўплаб вазиятларга бой ўйин кечди, ўйлашимча, бу мухлисларга маъқул келди. Голлар сони ва кескин эпизодлар кўп бўлди. Рақибни ғалаба билан табриклашдан бошқа иложим йўқ.
— Одатда жамоангиз ҳисобда олдинга чиқиб олгач, зич ҳимояланиб, ҳисобни ушлаб қолишни яхши уддаларди. Бугун эса бундай бўлмади, бунга нима сабаб бўлди?
— Биз фақат ҳисобни ушлаш ҳақида ўйламаймиз, бугун ҳам ўз ўйинимизни кўрсатиб, имкониятлар яратдик. Шунчаки бугун ўз дарвозамиздан ножўя гол ўтказиб юбордик. Ушбу учрашувга жиддий тайёргарлик кўргандик ва ғалаба қозонишни истагандик. Бундай майдонда ҳар қандай кутилмаган ҳолат юз бериши мумкинлигини тушунардик, шу боис яна гол уришга ҳаракат қилдик.
— Илдар Маматказин алмаштирилганда нима содир бўлди? Ҳакамлар адашдими ёки ёрдамчингиз таблога хато рақам ёздими?
— Йўқ, йўқ, барчаси режамиз бўйича эди. Ёши нисбатан катта футболчиларни алмаштириб, ҳужум чизиғини ва ўнг қанотни кучайтирмоқчи эдик. Илдарга тезкор ҳужумчилар билан олишиш қийинлашаётгани учун уни алмаштиришга қарор қилдик. Вагизни ярим ҳимояга чиқардик. Умуман олганда, ўнг қанотни янгилаб, ҳужумкорликни оширишни кўзлагандик. Илдар ва Ҳошимов билан ҳаммаси жойида. Фақат алмаштириш қоғозидаги рақамларни ёзишда озгина тушунмовчилик бўлди, шекилли.
