- Умуман олганда, ўйинимиз ўхшамади. Негадир режа қилган кўп ишларимиз амалга ошмади. Бироқ ғалабага эришдик, йигитлар 10 киши бўлиб қолганда яхши ҳаракат қилишди ва ўз вазиятларидан фойдаланишди. Ғалабага эришдик, лекин ўйин сифатидан мамнун эмасман.
- Бугунги рақиб "ТерДУ"нинг муаммолари бисёр. "Каттақўрғон" бугун ҳам қийналди, ўтган ўйинларда ҳам. Нега бундай бўлмоқда?
- Барчанинг ўз муаммолари бор. Муҳими ғалабага эришдик. Барчаси бирданига бўлиб қолмайди, жамоа ҳали янги. Шу сабабли ўйинлар осон ўтмаяпти. Ўтган ўйиндан кейин 3 футболчи жароҳат олди. Айрим футболчилар бугун бошқа позицияларда ўйнади. Ўйинимиз чиқмагани учун баҳона қилмоқчи эмасман, лекин муҳим уч очколарни қўлга киритдик ва камчиликлар устида ишлашга ҳаракат қиламиз.
- Ўтган ўйинда ассист қайд этган, бугун гол урган Вагиз Галиулин ҳақида нима дея оласиз?
- Сифатли футболчи. У ўзи фаолиятини якунламоқчи эди, лекин жароҳатлар сабабли уни ҳам ўйинга туширишга мажбур бўляпмиз.
- Шунда у жамоада ўйновчи мураббий кабими?
- Бугун у футболчи эди.
- Ўтган ўйинда у футболчиларни шуғуллантирди ва майдонга тушди.
- Вагизда катта тажриба бор. У ўз тажрибаси орқали футболчиларга маслаҳатлар бериши мумкин. Машғулотлар ўтишга ҳам уни жалб қиляпмиз. Унинг тажрибасига шубҳа қилмайман.
