Хорхе Фоссати: "Қатарнинг Жаҳон чемпионатига чиқишига ишонаман"

"Қатар терма жамоаси футболчиларига ишонганим учун бош мураббий бўлишга розилик бердим. Охирги икки ўйинда қониқарсиз натижалар қайд этилди. Бироқ саралашда ҳамма нарса бўлиши мумкин. Жуда қийин бўлишини биламан, бироқ мен оптимистик руҳдаман. Қайтараман, Қатарнинг имкониятларига ишонаман. Миллий терма жамоага қайтганимдан хурсандман", - дейди Фоссати.

Уругвайлик ушбу мураббий 2007-2008 йилларда ҳам Қатар терма жамоаси бош мураббийи бўлиб ишлаган. Бироқ соғлиги билан боғлиқ муаммолар туфайли ишдан кетганди.

Фоссати "Ал Садд" клуби билан 2011 йил ОЧЛ ғолиби бўлди ва Қатар чемпионига айланди. Ўтган йил "Ар Райян"да иш бошлаганди.

"Ар Райян" ва унинг мухлисларига миннатдорчилик билдираман. Бу жамоа ҳам, "Ал Садд" ҳам юрагимда қолади. Бу клубларда фантастик даврни бошдан кечирдим. Янги мавсумда иккала клубга ҳам омад тилайман", - дейди Фоссати.

"Кейинги икки ўйин қийин ва муҳим эканини биламан. Масъулиятни ўз бўйнимга олдимми демак мен Қатарнинг Жаҳон чемпионатига чиқишига ишонаман. Биз буни амалга ошира оламиз. Жуда ва жуда қийин бўлишини билиб турибман. Футболчилар ўзларини кўрсатишлари учун бор кучимни ишга соламан", - дейди уругувайлик мураббий.

Эслатиб ўтамиз, Қатар гуруҳда дастлабки икки турдан сўнг 0 очко билан охирги поғонада бормоқда. Жамоа 6 октябрь куни Жанубий Корея, 11 октябрь куни Сурияга қарши ўйнайди.