Хорватия терма жамоасининг собиқ футболчиси ЙТҲда ҳалок бўлди
21 апр 13:14
Янгиликлар

Хорватия терма жамоасининг собиқ футболчиси ЙТҲда ҳалок бўлди

18 апрель оқшомида Хорватиянинг Карловаc шаҳрида юз берган йўл-транспорт ҳодисаси оқибатида Хорватия терма жамоаси собиқ ярим ҳимоячиси Никола Покривач фожиали тарзда вафот этди.

Покривач Хорватиянинг тўртинчи дивизиони клуби "Войнич '95"да ўйнаб келаётганди. Фаолияти давомида у Хорватия терма жамоаси сафида 15 та ўйин ўтказган, жумладан, 2008 йилги Европа чемпионатида ҳам Польшага қарши ғалабали ўйинда иштирок этган.

2014 йилда ярим ҳимоячи Қарағанданинг "Шахтёр" футболчисига айланган, бир йилдан сўнг эса Қозоғистон чемпионатини тарк этган. Покривач фаолияти мобайнида "Вартекс", "Динамо" Загреб, "Монако", "Зальцбург", "Интер" Запрешич, "Риека", Макааби Петах-Тиква" ва "Славен Белупо" клублари шарафини ҳимоя қилган.

"Бу даҳшатли ва ниҳоятда қайғули янгилик. Биз касалликни енгиб, футбол билан яшашни давом эттирган ёш йигит, ҳақиқий жангчини йўқотдик. Хорватия футбол иттифоқи номидан унинг оила аъзолари ва яқинларига чуқур ҳамдардлик билдираман", – деди ХФИ президенти Мариян Кустич.

2015 йилда футболчига оғир касаллик ташхиси қўйилган ва шу сабабли профессионал фаолиятини якунлаган. Бироқ кейинчалик у қуйи лигада ўйнай бошлаган ва ўзининг футболга содиқлигини кўрсатган.

Ҳавола :

Манба : Croatia Week

Янгиликларни Телеграмда ўқинг!

Рейтинг: -4