"Ливерпуль", "Ньюкасл", "Саутгемптона", "Гамбург", "Сканторп" клублари ва Англия миллий терма жамоасининг собиқ ҳужумчиси оғир хасталикка қарши кураши ҳақида гапириб берди. Шу йилнинг январь ойида "Ньюкасл" клуби собиқ футболчида саратон аниқланганини эълон қилган эди. Эндиликда Киган касаллик тўртинчи босқичга ўтганини ошкор қилди.
"Мен автоҳалокатга учрадим ва шу сабабли жарроҳлик амалиётини ўтказишимга тўғри келди. Операциядан олдинги текширувлар давомида менда саратон аниқланди. Менга мен чалинган хасталик — саратоннинг тўртинчи босқичи билан курашадиган юқори тоифали шифокор борлигини айтишди.
Мен унинг қабулига бордим. У "Ливерпуль" мухлиси экан, шунинг учун ёлғиз қолиб кетмаслигимни билдим. У: "Кевин, бу янги даволаш усули, менда у ҳайратланарли самарадорлик кўрсаткичини қайд этди", деди. Мен ундан: "Самарадорлик фоизи қанча?" деб сўрадим. У: "33%", дея жавоб берди. Мен эса 80-90% бўлади деб ўйлагандим. Йўқ, 33%!
Ҳозирча мен ҳали ҳам шу ердаман (ҳаётман)", — деди 75 ёшли Киган.
