Англия чемпионатининг 4-туридан ўрин олган "Манчестер Юнайтед"га қарши ўйинда (1:0) норвегиялик футболчи учрашувдаги ягона голни киритди.
Ушбу гол форвард учун "шаҳарликлар" таркибида МЮ дарвозасига киритилган тўққизинчи тўп бўлди. Шу тариқа, АПЛнинг Х ижтимоий тармоғидаги саҳифаси хабар беришича, Холанд ушбу қарама-қаршиликда ҳисобида саккизтадан гол бўлган собиқ ҳужумчилар Уэйн Руни ("Манчестер Юнайтед") ва Серхио Агуэрони ("Манчестер Сити") ортда қолдирди. Эрик Кантона ва Филип Фоден ҳисобида эса еттитадан гол бор.
Эрлинг Холанд 2022 йилдан бери "Манчестер Сити" шарафини ҳимоя қилиб келмоқда. Норвегиялик ҳужумчининг клуб билан шартномаси 2034 йилгача мўлжалланган.
