51 ёшли Эберль "Бавария"нинг расмий клуб журналига берган интервьюсида 2024 йилда спорт директори Кристоф Фройнд билан бирга Манчестерга қилган сафарини ёдга олди.
Тунги соат 3 да Компани бу қарор ҳақида яхшилаб ўйлаб кўриши ва рафиқаси билан маслаҳатлашиши кераклигини айтган. Эберль эса кетиш ўрнига диванга ётиб олган. Мураббий унинг бу хатти-ҳаракатидан ҳайратда қолганида, Эберль ҳазиллашиб, Ули Хёнесс унга имзоланган шартномасиз қайтишни тақиқлаганини айтган.
Якунда Компани аввал хотини билан гаплашиб олиш шарти билан "Бавария"даги ишга розилик билдирган. Эберль кулиб эслашича, бельгиялик мутахассис охир-оқибат уни уйидан чиқариб юборган. Ушбу ноодатий учрашув дастлаб кўплаб мутахассисларни ҳайратда қолдирган янги мураббий қидириш жараёнига нуқта қўйганди.
Таъкидлаш жоизки, Компани 2024 йилнинг ёзида тайинланган ва ўшандан бери "Бавария" билан биргаликда икки бор Бундеслига чемпионлиги ҳамда Германия Кубогини қўлга киритди.
Эслатиб ўтамиз, Венсан соғлиғидаги муаммолар сабабли мюнхенликларнинг мураббийлик ўриндиғида яқин бир неча ҳафтани ўтказиб юборади.
