Африка Миллатлари Кубоги яна ҳар икки йилда бир марта ўтказиладиган бўлади. Африка футбол конфедерацияси (CAF) қайта кўриб чиқишлардан сўнг декабрь ойида қабул қилинган тўрт йиллик цикл бўйича қарорини бекор қилди.
Янги режаларга кўра, CAF Африка Миллатлари Кубогини икки йиллик турнир — Африка Миллатлари Лигаси билан алмаштиришни кўзда тутганди, аммо бу лойиҳа ўзини оқлаши ва харажатларни қоплаши учун бир неча йил талаб этилишини тан олди.
Икки йиллик формат анчадан бери футбол тақвими билан боғлиқ муаммоларни келтириб чиқарарди: сўнгги турнирларнинг аксарияти Европа клублари мавсумининг қоқ ўртасида бўлиб ўтган. Июнь-июль ойларида 32 та жамоа иштирокида кенгайтирилган тарзда ўтказилган ФИФА клублар ўртасидаги Жаҳон чемпионати ҳам CAFни мусобақа саналарини мавсумнинг авж палласига белгилашга мажбур қилди.
Навбатдаги Африка Миллатлари Кубоги 2027 йилда бўлиб ўтади — унга Кения, Танзания ва Уганда биргаликда мезбонлик қилади. Кейинги турнирлар эса 2028, 2031 ва 2033 йилларда ташкил этилади. 2030 йилда Жаҳон чемпионати бўлиб ўтиши муносабати билан ушбу мусобақа ўтказилмайди.
