“Канонирлар” ўтган мавсум 22 йил ичида илк бор Англия чемпиони бўлди. Бундан ташқари, жамоа Чемпионлар Лигаси финалига қадар етиб бориб, пенальтилар сериясида “Пари Сен-Жермен”га имкониятни бой бериб қўйганди. Хаверцнинг ҳисоблашича, энди жамоа кейинги қадамни ташлашга тайёр.
“Биз барча кубокларни қўлга киритишни хоҳлаймиз. Айнан шунинг учун ҳам шу ердамиз. Биз аллақачон Англия чемпиони бўлдик, аммо бундан ҳам каттароқ ютуқларга эришишга қодирмиз.
Биз янги даражага чиқишимиз керак, чунки мавсум жуда узоқ ва оғир, кураш эса бир вақтнинг ўзида барча мусобақаларда кечади. Биз янада кучлироқ бўлишни ва яна улкан муваффақиятларга эришишни истаймиз”, – деди Хаверц.
Таъкидлаш жоизки, Премьер-лигадаги бутун тарихи давомида “Арсенал”га ҳали бирор маротаба ҳам чемпионлик унвонини ҳимоя қилиш насиб этмаган.
