Тебаснинг таъкидлашича, Париж клубининг ҳаддан ташқари катта мавқега эга бўлишига бошқа жамоаларнинг жим туриши сабаб бўлмоқда. "Мен бошқа клублар нима деётганини эшитяпман. Бироқ ПСЖнинг кучи ҳамманинг сукутига асосланган. Сукут эса шерикликни келтириб чиқаради. Улар шунчаки ҳеч нарса қилишга ботина олишмаяпти", — деди Испания футболи раҳбари.
Шунингдек, Тебас Франция футболидаги ушбу динамикани ўзгартириш кераклигини қўшимча қилди: "Бу ПСЖ Франциядаги энг яхши жамоа бўлмай қолишини англатмайди. Аммо энг зўр бўлиш учун бунчалик катта ҳокимиятга эга бўлиш шарт эмас".
Эслатиб ўтамиз, Хавьер Тебас доимий равишда давлатлар томонидан молиялаштириладиган клубларнинг молиявий сиёсатини танқид қилиб келади.
