Олдинроқ ОАВда Чили чемпионати қоидаларида либосга ҳақиқий бўлмаган исмни ёзиш тақиқлангани ҳақида хабарлар тарқалганди.
Возинья — бу лақаб бўлиб, дарвозабоннинг паспортдаги асли исм-шарифи Жозимар Жозе Эвора Диаш.
Бироқ “Коло-Коло” футболчиси сифатидаги тақдимот маросимида 40 ёшли посбонга орқасига “Возинья” исми ва 29-рақам ёзилган ўйин либоси топширилди. Кўринишидан, дарвозабон лига томонидан махсус рухсатномага эга бўлган, бу ҳақда илгари ҳам медиада айтиб ўтилган эди.
ЖЧ-2026 давомида Возиньянинг ижтимоий тармоқлардаги кузатувчилари сони 50 мингдан 29,5 миллион кишигача кўпайди.
