Витиньо расман “Барселона” футболчиси сифатида таништирилди

Футболчи Каталония клубига “Палмейрас”жамоасидан ижара асосида келиб қўшилди. Кейинчалик каталонияликлар ушбу футболчининг тўлақонли сотиб олишлари учун бразилияликларга 12 миллион евро, агар у асосий таркибда майдонга тушса, яна 2 миллион бонус сифатида тўлаб беришади.

19 ёшли футболчи Каталония пойтахтига ташриф буюрди ва “Барселона Б” таркибида майдонга тушади. Аммо унгача футболчи жамоа асосий таркиби билан янги мавсумга ҳозирлик кўради. Хабарларга кўра, бразилиялик футболчи назорат учрашувларида ўзининг яхши томониларини кўрсата олса, асосий таркибга жалб этилиши мумкин.

Унинг ўзи “Барселона”га ўтишини қуйидагича изоҳлади:

“Мен жуда бахтлиман. Мен дунёнинг энг кучли клуби ҳисобланган “Барселона”га доим мухлис бўлиб келганман. Ривалдо, Роналдиньо, Лионель Месси сингари футболчилар тўп тепган ва теааётган жамоада эканлигимдан хурсандман. Хозир эса ушбу жамоада менинг кумирим Неймар ўйнамоқда”, дейди Витиньо.