Аввалроқ Жезуш Миллатлар Лигаси доирасида Норвегияга қарши баҳсда (2:1) Роналдуни майдонга туширишни ваъда қилганини, бироқ якунда режалари ўзгариб қолганини айтган эди. Дания билан кечган навбатдаги ўйиндан (4:2) олдин эса Роналду таркибга киритилмаслигини билиб, миллий жамоа ихтиёрини тарк этган.
Бельгиянинг Туркияга қарши баҳси олдидан ўтказилган матбуот анжуманида Ван Боммелдан футболчини майдонга тушириш борасидаги ваъдасини бузган бу каби ҳолатга дуч келган-келмагани ҳақида сўрашди.
"Агар шундай ваъда берсанг, сўзингда туришинг керак. Мен ҳеч қачон футболчига ўйнаши ҳақида ваъда бермаганман, чунки майдонда нима юз беришини олдиндан ҳеч қачон била олмайсан. Ҳатто футболчига майдонга тушиш учун яхши имконияти борлигини айтган тақдирингда ҳам, ҳар доим ўзинг учун бошқа вариантларни қолдиришинг керак. Мана шундай йўл тутиш мумкин.
Жорже Жезушнинг, албатта, ўз сабаблари бўлгандир, лекин ўртоқлик учрашувида 40 ёки 60 дақиқа ўйнашингни ваъда қилиш осонроқ. Бироқ бундай нарсаларни ваъда қилиш... Шошманг, ўйлаб кўрай... Менимча, мен ҳеч қачон бундай қилмаганман", – деди Ван Боммел.
Аввалроқ ОАВда ушбу можаро ортидан 41 ёшли Роналду Португалия терма жамоасидаги фаолиятини якунлаши мумкинлиги хабар қилинган эди.
