ЖЧ–2026даги омадсиз иштирокдан сўнг Уругвай футбол федерацияси миллий терма жамоа футболчилари ва мураббийлар штаби ватанга қайтиши учун режалаштирилган чартер самолёт рейсини бекор қилди.
Маълум қилинишича, федерация футболчилар мусобақадан сўнг турли мамлакатларда дам олишни режалаштирганини инобатга олиб, умумий рейсни ташкил этишдан воз кечган. Энди ҳар бир футболчи ўз клуби ёки шахсий режасига мувофиқ мустақил равишда манзилига йўл олади.
Жаҳон чемпионатида катта умидлар билан қатнашган Уругвай терма жамоаси кутилган натижани қайд эта олмади ва плей-офф йўлланмасига эга чиқмади. Бу натижа мамлакатда катта муҳокамаларга сабаб бўлиб, терма жамоа келажаги ҳамда мураббийлар штаби фаолияти юзасидан баҳслар авж олди.
Айрим маҳаллий ОАВлар ушбу қарорни федерациянинг харажатларни қисқартириш ҳамда омадсиз турнирдан кейин жамоани тезда тарқатиб юбориш истаги билан изоҳламоқда.
