Уларни майдонда бошқа кўрмаймиз ФОТО

Ўтиб бораётган ёзда футболчилик фаолиятини якунлашга қарор қилган машҳур футболчилар билан танишинг.

Скотт Паркер (36 ёш, сўнгги клуби – «Фулхэм»)

Лондоннинг 5та клубида ўйнаб («Чарльтон», «Челси», «Вест Хэм», «Тоттенхэм», «Фулхэм») АПЛ рекордини ўрнатган марказий ярим ҳимоячи. 2010 йилларда мамлакатнинг энг кучли таянч ярим ҳимоячиси эди ва «Вест Хэм» мавсумни сўнгги ўринда тугатган йилда журналистлар талқинига кўра премьер-лиганинг энг яхши футболчиси деб топилганди. Энди Паркер «Тоттенхэм» ёшлар жамоаларидан бирида мураббийлик қилади.

Пол Робинсон (37 ёш, сўнгги клуби – «Бернли»)

Англия терма жамоаси дарвозабонлари орасида камроқ кулгуга сабаб бўлганлардан бири. ЖЧ-2006да айнан у Англиянинг асосий посбони бўлганди, «Лидс» сафида «Барселона» ва «Реал»га қарши ўйнаган, «Тоттенхэм» сафида гол урган (ВИДЕО), «Лидс» ва «Блэкберн» билан АПЛдан тушиб кетган, «Бернли» билан эса АПЛга чиққан Робинсон энди фақат уйдаги дарвозасини қўриқлайди холос.

Альваро Арбелоа (34 ёш, сўнгги клуби – «Вест Хэм»)

Юлдуз бўлмаган лекин «Реал» мегаюлдузари ва Испания терма жамоаси билан бирга дунёдаги барча совринларни қўлга киритган футболчи. У Англияда «Ливерпуль» ва «Вест Хэм» ҳамда Италияда «Наполи» сафида ҳам ўйнаган. Футболчи фаолияти давомида Испания терма жамоаси сафида 2010 йил Жаҳон чемпиони, 2008 ва 2012 йилларда Европа чемпиони бўлди. "Реал" таркибида Испания чемпиони, икки марта Испания кубоги, Испания Суперкубоги, икки бор УЕФА Чемпионлар лигаси (Бразилиялик Роналдо, Златан Ибрагимович ва Буффон бир четда йиғлаб туришибди), клублар ўртасидаги Жаҳон чемпионати ва УЕФА Суперкубогида ғолиб чиқди.

Томас Соренсен (41 ёш, сўнгги клуби – «Мельбурн Сити»)

Хатто XXI аср бошида АПЛни томоша қилмаган бўлсангиз ҳам у ерда Томас Соренсен ўйнаганини билсангиз керак. Даниялик посбон АПЛда 400дан ортиқ (Куинн ва Филлипс билан «Сандерленд»да, Барри ва Анхель билан «Астон Вилла»да, Делап ва Фуллер билан «Сток»да) ўйин ўтказиб қўйган. Соренсен Дания терма жамоаси сафида 100дан ортиқ баҳсларда иштирок этган (2та Жаҳон ва 2та Европа чемпионатида қатнашган).

Александр Кержаков (34 ёш, сўнгги клуби – «Зенит»)

Россияда хизмат кўрсатган спортчи, Россия футболи тарихидаги энг яхши тўпурар (233та гол), "Зенит" клуби тарихидаги энг яхши тўпурар (161та гол), Россия терма жамоаси тарихидаги энг яхши тўпурар (30та гол)... Уч карра Россия чемпиони, Россия кубоги ва Суперкубоги соҳиби, "Севилья" таркибида УЕФА кубоги, Испания кубоги ва Испания Суперкубоги соҳиби, "Цюрих" сафида Швейцария кубоги соҳиби бўлган Александр Кержаков учун инглизлар махсус феъл ҳам ўйлаб топишганини кўпчилик билса керак.

Тиагу Мендеш (36 ёш, сўнгги клуби – «Атлетико»)

Ақлли ярим ҳимоячи, «Брага», «Бенфика», «Челси», «Лион» ва «Ювентус» каби клубларда ўйнаб кейин «Атлетико»да юлдуз бўлган. Ўтган мавсум охирида бошқа бундай юқори савияда ўйнай олмаслигини айтиб бутсаларини сандиққа солишга қарор қилди, бироқ клубига содиқ қолиб Диего Симеонега ёрдамчи бўлди.

Мартин Демичелис (36 ёш, сўнгги клуби – «Малага»)

Аргентиналик марказий ҳимоячи, фаолиятининг асосий қисмини «Бавария»да ўтказган. Германияда 4 марта бундеслигада зафар қучган, кейин Испанияга кетган, Мануэль Пеллегрини туфайли Англияга келиб «Ман Сити» сафида АПЛда ғолиб чиққан ва яна Испанияга қайтган.

Мичу (31 йил, сўнгги клуби – «Овьедо»)

Микаэль Лаудруп бошчилигидаги «Суонси»да АПЛда дебют қилган Мичу барчани ўзига қаратганди, кўпчилик уни топ-клубга ўтишини тахмин қилганди. Якунда Мичу грандлар сафига эмас Испаниянинг 4-дивизионида иштирок этувчи клубда пайдо бўлди. Жароҳатлар ажойиб кечиши кутилган фаолиятга нуқта қўйиб қўйди.

Антонио Кассано (35 ёш, сўнгги клуби – «Верона»)

Ёзни ким қизиқарли ўтказаяпт десангиз иккиланмай Антонио Кассано деб айтиш мумкин. Июль ойида «Верона» билан шартнома тузли, бир неча кундан сўнг матбуот анжумани ташкил этиб футболдан кетишини маълум қилди, ўша куниёқ фикридан қайтганини айтди, иккита ўртоқлик ўйинида қатнашгач яна кетаманга тушиб қолди. Кассанонинг турмуш ўртоғи ижтимоий тармоқларда Антонио ўзига янги клуб қидираётганини ёзди – эр эса буни рад қилди. Умуман олганда Кассанонинг бутун фаолияти ҳам шундай ўтди – қизиқарли, драматик, аммо жуда ҳам ачинарли.

Филипп Лам (33 ёш, «Бавария»)

Балки у Хосеп Гвардиола билан бирга ишлаган энг ақлли футболчидир. Балки, ХХI асрнинг энг яхши немис ҳимоячисидир. У барчани йиғлатиб кетди.

Қизил карточкани кўрмаган буюк ҳимоячи ва маэстро футболдан кетди...

Хаби Алонсо (35 ёш, сўнгги клуби – «Бавария»)

У ҳақида ҳам барчасини биласиз: «Ливерпуль» ва «Реал» билан ЕЧЛни қўлга киритган, «Бавария» билан Бундеслигани ютган, Испания сафида Европа ва Жаҳон чемпиони бўлган. Унинг энг машҳур гапи: «Хет-трик қайд этиб журналнинг биринчи саҳифасидан жой олиш мега хос эмас».

Дирк Кюйт (36 ёш, сўнгги клуби – «Фейеноорд»)

Футбол шарҳловчилари ҳозир ҳам унинг фамилияси аслида талаффуз қилиниши борасида баҳслашишлари турган гап. «Фейеноорд» сафида 164та ўйин ўтказиб 102та гол урган футболчи ўзининг охирги мавсумида ушбу клубни Голландия чемпиони қилиб кетди. Кюйт терма жамоа сафида 2010 йил Жаҳон чемпионатида кумуш медални, 4 йил ўтгач мундиал бронза медалини қўлга киритган.

18 йил кутилган чемпионлик. У қандай нишонланди? ФОТО + ВИДЕО

Франческо Тотти (40 ёш, биринчи ва сўнгги клуби – «Рома»)

No comment.

sports.ru сайтидан Нарзулла таржима қилди