Ушбу мулоҳазаларга Марокаш қироллик футбол федерацияси томонидан расмий муносабат билдирилди. Мазкур баёнотда бир қатор федерациялар бирлашган бўлиб, улар орасида Ўзбекистон футбол ассоциацияси ҳам бор.
Кабо-Верде, Кюрасао, Ўзбекистон, Конго, Гаити, Жазоир, Тунис, Марокаш, Миср, Гана, Сенегал,Кот-д'Ивуар ва Жанубий Африка футбол ассоциациялари УЕФА президенти Александер Чефериннинг яқинда ФИФА Жаҳон чемпионати форматини кенгайтириш борасида билдирган фикрлари ҳамда кўплаб ўйинларни қизиқарсиз деб таърифлаганидан чуқур хафсалалари пир бўлганини маълум қилган.
