Учта қизил кўрсатилган ўйинда Рашидов ўз дубли билан “Ал-Жайиш”га ғалаба келтирди

Терма жамоамиз ярим ҳимоячиси Сардор Рашидов тўп тепаётган “Ал-Жайиш” клуби ўз майдонида “Ал-Араби”ни қабул қилиб, 4:3 ҳисобида ғалаба қозонди.

Қувонарлиси, ҳамюртимиз учрашувда дубл муаллифига айланди. Ўйинда тўлиқ ҳаракат қилган Рашидов 78-чи ва ҳакам томонидан қўшиб берилган иккинчи дақиқада рақиб дарвозасини ишғол қилди.

“Ал-Жайиш”нинг қолган икки голи Ромариньо ва Мендес ҳисобига ёзилди.

Ўйинни бошқариб борган ҳакам бир йўла уч нафар футболчига қизил карточка кўрсатди. “Ал-Жайиш”дан Али Санад (45+3)ва Ал Жабри (90+4), меҳмонлардан Асси Коува (64) майдондан четлатилди.  

“Ал-Жайиш” 15-турдан сўнг турнир жадвалида 33 очко билан 3-ўринни эгаллаб турибди. Мағлубиятсиз одимлаётган “Леҳвия” клуби 39 очко билан пешқадамлик қилаётган бўлса, 2-ўриндаги “Ал-Садд” ҳисобида 37 очко бор.