Сардор Рашидов — "Нефтчи", Искандеров ва Шомуродов ҳақида

Таниқли футболчи Сардор Рашидов чемпионлик ва бошқа мавзуларда фикрлари билан ўртоқлашди. 

- Бу йилги Ўзбекистон Суперлигасини кузатдингизми? 

- Албатта. Ўзбекистон Суперлигасининг деярли барча ўйинларини Дубайдан туриб бўлса-да кузатдим. Бу йил кутилмаган чемпион бўлди. Қайсидир маънода, "Нефтчи"дан ҳеч ким кутмаганди. "Нефтчи" олдинлари ҳам чемпионлик учун курашганди. Бу йил ўзини кўсатиб, ҳақли чемпионликни қўлга киритди. Мазкур ютуқ билан клуб футболчилари ва мухлисларини табриклайман! Мухлислар 24 йилдан бери кутишганди ва бунга эришишди. 

- Сизнингча, Суперлиганинг 2025 йилги энг яхши футболчиси ким? 

- Мен учун Жамшид Искандеров. Бу совринни Игорь Сергеев олди. Бироқ ҳамманинг ўз қараши бор. Игорь ҳам бунга ҳақли, тўпурар бўлди. Ўйлашимча, Жамшид Искандеров лойиқ эди.

- Ўзбекистоннинг энг яхши футболчиси совринини ким қўлга киритади деб ўйлайсиз? 

- Элдор Шомуродов.