Ўйиннинг 31-дақиқасида, ҳисоб Аргентина фойдасига 1:0 бўлиб турган вазиятда, Месси ортдан келиб, шиплари билан жазоирлик ҳимоячи Аисса Мандининг болдирига зарба берди ва рақибини йиқитди. Учрашув бош ҳаками Шимон Марчиняк аргентиналик футболчига ҳатто сариқ карточка ҳам кўрсатмади, ВАР эса аралашмади. Якунда "Интер Майами" футболчиси ушбу ўйинда хет-трик қайд этди.
"Бу вазиятни қанчалик кўп кузатсам, бу қизил карточка эканига шунчалик амин бўляпман. Аввалроқ Лионелнинг оёғини олиб қочишга жойи йўқ эди деб айтгандим, лекин ўз сўзларимни қайтариб оламан. У оёғини қандай чўзганини кўряпман. Менимча, Аргентина терма жамоаси ўн киши бўлиб қолиши керак эди. Марчиняк қониқарсиз ишлади. Марчинякнинг дунёнинг энг яхши ҳаками деб ҳисобланиши унга ўз қоидалари бўйича ҳукм чиқариш ҳуқуқини бермайди. У тўртта яққол сариқ карточкани ва Лионель Мессига кўрсатилиши керак бўлган қизил карточкани кўрсатмади. Гўёки у карточкаларини кийиниш хонасида унутиб қолдиргандек", – деди Фернандес Radio Marca радиосининг Marcador дастурида.
