Эслатиб ўтамиз, 30 июль куни Африканинг шимолий қирғоқларида жойлашган Сеута автоном шаҳрига мигрантларнинг оммавий равишда ёриб кириши бошланди. Бу испан эксклави (мамлакатнинг асосий еридан ажратилган ва бошқа давлатлар билан ўралган қисми – Спортс’‘), у бир томондан Марокаш билан чегарадош, иккинчи томондан эса Ўртаер денгизи билан ювилади. Ўн минглаб одамлар Испанияга ноқонуний равишда кириб келди, кейинчалик уларнинг кўпчилиги Марокашга ўз ихтиёри билан қайтиб кетди.
El Mundo хабарига кўра, Sumar парламент коалицияси Конгрессга Испаниянинг Португалия ва Марокаш билан биргаликда қабул қилиши керак бўлган ЖЧ-2030 тайёргарлигидаги иштирокини тўхтатиш ҳақидаги таклифни киритди. Қонун лойиҳаси матни остида "Бирлашган сўллар" партиясини вакиллик қилувчи уч нафар депутат ҳамда Қуйи палатадаги фракциянинг бир нафар вакили имзо чекди.
Ташаббус муаллифлари ҳукуматни ФИФА, Қироллик испан футбол федерацияси (RFEF) ва Португалия ижроия ҳокимиятини келгуси турнирнинг "қўшма ташкилотчиликнинг амалдаги моделини қайта кўриб чиқиш зарурлиги"дан расман хабардор қилишга чақирди.
Шунингдек, Sumar ҳукуматдан RFEF'га ФИФА устави ва инсон ҳуқуқлари соҳасидаги сиёсатига риоя этилишини текшириш учун институционал механизмларни фаолаштиришни ҳамда Конгрессга ярим йил ичида тақдим этилиши керак бўлган "қабул қилувчи мамлакатларда инсон ҳуқуқлари хавфлари" бўйича мустақил, оммавий ва янгиланган тадқиқот ўтказишни сўрамоқда. Бундан ташқари, ташаббус Сеутадаги воқеаларнинг турнирни ўтказиш билан боғлиқ инсон ҳуқуқлари бўйича мажбуриятларга таъсирини баҳолашни, шунингдек, жиддий қоидабузарликлар аниқланган тақдирда қўшимча чоралар кўришни таклиф қилишни ўз ичига олади.
Депутатлар, шунингдек, ФИФАнинг турнирларни ўтказиш ҳуқуқини бериш тартиб-қоидаларини, жумладан, инсон ҳуқуқларига риоя этилишини кафолатлайдиган қоидаларни ва жиддий қоидабузарликлар юз берган тақдирда қабул қилувчи томон мақомини қайта кўриб чиқиш ёки чақириб олиш имкониятини ислоҳ қилишга чақирди.
Аввалроқ Португалиянинг Livre яшиллар партияси Португалия расмийларига ва мамлакат футбол федерациясига Марокашни ЖЧ-2030 ташкилотчилигидан четлаштиришга эришиш таклифи билан хат йўллаган эди
