Ўйиндан кейинги матбуот анжуманида "Хоразм" бош мураббийи Сергей Токов матбуот анжуманида иштирок этди.
- Ўйин ҳақида фикрингиз?
- Жуда қувноқ баҳс гувоҳи бўлдик. Ўйлайманки, ўйин стадионга келган мухлисларга ёқди. Курашларга бой ўйин кечди. Биз учун бу баҳсга тайёрлашниш оғир бўлди, чунки Суперлигада биринчи даврани тугатдик ва йигитлар хаёлан дам олишда. Шунга қарамай яхши ўйин кўрсатишга ҳаракат қилдик. Йигитларга раҳмат, қийинчилик билан бўлса-да ғалаба қозондик. Ҳар икки таймда вазиятларга эга бўлдик. Рақиб ҳам яхши тасссурот қолдирди. "ФарДУ" жамоасига Кубокда ва Пролигада омад тилайман.
- Легионерлар бугунги баҳсда қандай ҳаракат қилди?
- Баъзи легионерларимизда ҳамон ўйин қовушмаяпти, доим улар билан гаплашяпмиз. Бугун сафимизда уч нафар хорижлик ҳаракат қилди ва уларнинг ўйинга ўзларини бағишлаши менга ёқди. Аммо ишлайдиган жиҳатларимиз ҳали кўп.
- "Хоразм" жамоасининг Ўзбекистон Кубогидаги мақсади?
- Биринчи вазифа гуруҳдан чиқиш. Ундан кейин нима бўлишини вақт кўрсатади. Бизда катта вазифа йўқ, лекин ҳар ўйинда ғалаба учун майдонга тушамиз.
- Бугун жамоангиз қарши ҳужумларда ўйнади, шунга фикрингиз?
- Биласизми, рақиб ўйин услубидан келиб чиқиб ҳаракат қилмаймиз, балки ўз ўйинимизни кўрсатишга ҳаракат қиламиз. Биринчи таймда ҳар икки жамоа хатоларга йўл қўйди. Танаффусдан кейин рақиб кўпроқ ҳужум уюштирди ва биз қарши ҳужум тактикасини танладик. Бу эса иш берди.
