Таркибни кучайтириш ишларини жадаллик билан олиб бораётган жиззахликлар сафига яна бир таниш чеҳра қўшилди. Жамоанинг Тожикистонда давом этаётган ўқув-машғулот йиғинида тажрибали ярим ҳимоячи Жамшид Болтабоев ҳам иштирок этмоқда. Маълумотларга кўра, футболчи фаолиятини катта эҳтимол билан яна "Сўғдиёна"да давом эттиради.
Маълумот учун, Болтабоев Жиззах клуби учун бегона эмас — у 2019–2021 йиллар давомида "бўрилар" шарафини муносиб ҳимоя қилган. Футболчи жорий мавсумнинг биринчи ярмини "Андижон" либосида ўтказиб, Суперлига доирасида 7 та учрашувда майдонга тушган эди. Эндиликда у собиқ жамоаси сафида яна яшил майдонга тушишга яқин турибди.
